தமிழ்நாட்டில் பேருந்து நிலையம், கல்வி நிலையம், வழிபாட்டுத் தலங்கள் அருகேயுள்ள 129 மதுக்கடைகளை மூடவில்லை என அண்ணாமலை குற்றஞ்சாட்டியுள்ளார்
‘வீ த லீடர்ஸ்’ நிறுவனர் அண்ணாமலை வெளியிட்டுள்ள வீடியோ பதிவில், தமிழ்நாட்டில் பேருந்து நிலையம், கல்வி நிலையம், வழிபாட்டுத் தலங்கள் அருகேயுள்ள 129 மதுக்கடைகளை மூடவில்லை. தற்போதும் கல்வி நிலையங்கள், கோயில்களுக்கு அருகெ 129 மதுக்கடைகள் தொடர்ந்து இயங்கி வருகின்றன. வீ த லீடர்ஸ் அமைப்பு நடத்திய ஆய்வில் இந்த தகவல் வெளியாகியுள்ளது. கல்வி நிலையங்கள், வழிபாட்டு தலங்கள் அருகேயுள்ள 717 டாஸ்மாக் கடைகளை மூடியதாக தமிழக அரசு கூறியுள்ளது.
தமிழகத்தில் இருந்த 1 லட்சத்து 6,000 நீர்நிலைகளில், 50 ஆயிரத்துக்கும் மேற்பட்டவற்றை காணவில்லை. சென்னையில் 67% இடங்களில் கட்டுமானம் வந்துவிட்டது, 10 சதவீத இடத்தில் தான் பசுமை இருக்கிறது. வரும் 2050ல் கோவை, கன்னியாகுமரியை தவிர, பிற மாவட்டங்களில் குடிக்க கூட தண்ணீர் இருக்காது.
ஆகஸ்ட் முழுவதும் மரக்கன்று நடுதல், நீர்நிலைகளை சுத்தம் செய்தல் போன்ற பணிகளை ‘வீ த லீடர்ஸ்’ அமைப்பினர் செய்ய வேண்டும். தமிழ்நாட்டில் 49% நீர்நிலைகள் வறண்டு காணாமலே போய்விட்டன. மொத்தமுள்ள 1,16,957-இல் 50,197 நீர்நிலைகள் இருந்த இடம் தெரியாமல் போய்விட்டன. 8,366 நீர்நிலைகள் இருந்த இடங்களை ஆக்கிரமித்து மக்கள் வீடு கட்டி வாழ்கின்றனர். இப்படி இருக்கும்போது நமது எதிர்கால சந்ததியினர் வாழ முடியும்?” எனக் கேள்வி எழுப்பியுள்ளார்.