திருநெல்வேலி திமுக எம்.பி.ஞானதிரவியம், கட்சிக்கு அவப்பெயர் ஏற்படும் வகையில் செயல்படுவதாக எழுந்த புகாரை அடுத்து அவரிடம் விளக்கம் கேட்டு திமுக பொதுச்செயலாளர் துரைமுருகன் நோட்டீஸ் அனுப்பியுள்ளார். இதுகுறித்து திமுக பொதுச்செயலாளர் துரைமுருகன் அனுப்பியுள்ள கடிதத்தில் , திருநெல்வேலி மக்களவைத் தொகுதி உறுப்பினா் சா.ஞானதிரவியம், திமுக வளா்ச்சிக்கு அவப்பெயர் ஏற்படும் வகையில் செயல்பட்டதாக திமுக தலைமைக் கழகத்திற்கு புகாா்கள் வந்தன.
அவரது இந்த செயல் கட்சிக் கட்டுப்பாட்டை மீறியும், கட்சிக்கு அவப்பெயா் ஏற்படும் வகையிலும் உள்ளதால், இதுகுறித்த அவரிடம் விளக்கத்தினையும் செயல்பாடுகளையும் கேட்டு நோட்டீஸ் அனுப்பபட்டது. இக்கடிதம் கிடைத்த ஏழு நாட்களுக்குள் திமுக தலைமைக் கழகத்திற்கு நேரில் வந்தோ அல்லது தபால் மூலமோ தெரிவிக்க வேண்டும். இல்லையென்றால் ஒழுங்கு நடவடிக்கை எடுக்கப்படும் எனறு கடிதத்தில் திமுக பொதுசெயலாளர் துரைமுருகன் தெரிவித்துள்ளார்.
