இந்திய வானியற்பியல் நிறுவனத்தின் கொடைக்கானல் சூரிய ஆய்வகம், அங்கீகரிக்கப்பட்ட முகமைகள் மூலம் வெளிப்பணி முறையில் பணியமர்த்த தகுதியான விண்ணப்பதாரர்களை அழைக்கிறது. இரண்டு பதவிகளுக்கான இந்த ஆட்சேர்ப்பு, ஆய்வகத்தின் நிர்வாக அலுவலகத்தில் நேர்காணல்கள் மூலம் நேரடியாக நடத்தப்படும்.
பாதுகாவலர் பணிக்கான நேர்காணல் 2026, ஏப்ரல் 27 அன்று காலை 10:00 மணிக்கு நடைபெறும். இப்பணிக்கான விண்ணப்பதாரர்கள் குறைந்தபட்சம் 10 -ம் வகுப்பு தேர்ச்சி பெற்றிருக்க வேண்டும்; உடல் தகுதியுடன் இருக்க வேண்டும். வயது வரம்பு 40 வயதைத் தாண்டக்கூடாது.
தொலைநோக்கி இயக்குபவர் (உயர் திறன்) பணிக்கான நேர்காணல், 2026 மே 5 அன்று காலை 10:00 மணிக்கு நடைபெறும். இந்தப் பணிக்கு விண்ணப்பம் செய்வோர் அங்கீகரிக்கப்பட்ட பல்கலைக்கழகம்/நிறுவனத்திலிருந்து இயற்பியல்/வேதியியல்/கணிதம்/தகவல் தொழில்நுட்பம்/மின்னணுவியல் பாடங்களில் பிஎஸ்சி பட்டம் அல்லது /பி.சி.ஏ அல்லது அதற்கு இணையான பட்டப்படிப்பை குறைந்தபட்சம் 60% மதிப்பெண்களுடன் பெற்றிருக்க வேண்டும். வயது வரம்பு 30 ஆண்டுகள்.
விண்ணப்பதாரர்கள் தங்களின் அசல் சான்றிதழ்களுடன் கட்டாயச் சரிபார்ப்பிற்காக, நிர்வாக அலுவலகம், கொடைக்கானல் சூரிய ஆய்வகம், இந்திய வானியற்பியல் நிறுவனம், கொடைக்கானல் – 624 103 என்ற முகவரிக்கு வருமாறு அறிவுறுத்தப்படுகின்றனர். தேர்வு செயல்பாட்டில் பங்கேற்பதற்கு பயணப்படி/தினப்படி எதுவும் வழங்கப்படாது. கூடுதல் விவரங்கள் அல்லது விளக்கங்களுக்கு, ஆர்வமுள்ளவர்கள் 9052087403 என்ற செல்பேசி எண்ணில் அல்லது ksoiiap06[at]gmail[dot]com என்ற மின்னஞ்சல் முகவரியில் அதிகாரிகளைத் தொடர்பு கொள்ளலாம்.
