சென்னையில் நாளை பன்னாட்டு சிறு, குறு தொழில் நிறுவனங்கள் விழா நடைபெறுகிறது. சென்னை நந்தம்பாக்கம் வர்த்தக மையத்தில் முதல்வர் மு.க.ஸ்டாலின் தலைமையில் நாளை நடைபெறுரும்.
அப்போது அம்பேத்கர் தொழில் முன்னோடி திட்டத்தில் 100 பேருக்கு ரூ.18.94 கோடி மானிய ஆணையை முதல்வர் வழங்குவார். மேலும், செங்கல்பட்டு, திருச்சி, மதுரையில் தொழிற்பேட்டைகளை முதல்வர் நாளை தொடங்கிவைக்கிறார்.
பண்ருட்டியில் முந்திரி பதப்படுத்தும் குறுந்தொழில் குழுமம், மெய்நிகர் கண்காட்சியகத்தையும் முதல் அமைச்சர் திறந்துவைக்கிறார். மேலும், 10 மாணவ அணிகளின் புத்தாக்க கண்டுபிடிப்புகளுக்கு தலா ரூ.1 லட்சம் வீதம் ரூ.10 லட்சத்தை முதல்வர் வழங்குகிறார்.
