இந்தியாவுக்காக உலகக்கோப்பை சாம்பியன்ஸ் டிராபி டி20 உலகக்கோப்பையை வென்று சாதனை படைத்தவர் கேப்டன் தோனி. இளம் வீரர்கள் பலரையும் இந்திய அணிக்கு கொண்டு வந்து வாய்ப்பு கொடுத்து உருவாக்கியவர். விராட் கோலி, சுரேஷ் ரெய்னா, ரோகித் சர்மா, ஷிகர் தவான், அஸ்வின், ஜடேஜா, ஹர்திக் பாண்டியா, முகமது ஷமி, ஷர்துல் தாகூர், தீபக் சஹர் என இவர் உருவாக்கிய வீரர்களின் எண்ணிக்கை அதிகம்.
மகேந்திரசிங் டோனி, டெஸ்ட், ஒருநாள் மற்றும் டி20 என மொத்தம் 331 சர்வதேச போட்டிகளில் இந்திய கிரிக்கெட் அணியை வழி நடத்தி உள்ளார். அதில் 178 போட்டிகளில் இந்தியா வெற்றி பெற்றுள்ளது. இதேபோல் கிரிக்கெட் மைதானத்திற்கு வெளியிலும் கால்பந்து, பைக், கார் கலெக்க்ஷன் போன்ற பல்வேறு தளங்களிலும் சிறந்து காணப்படுகிறார்.
கிரிக்கெட் மீதான தோனியின் ஆர்வம் எவ்வளவுக்கு எவ்வளவு இருக்கிறதோ, அதே அளவிற்கு பைக், கார்கள் மீதும் அதிக ஆர்வமும் கொண்டுள்ளார். சென்னையின் தெருக்களில், டி20 போட்டிகளின் போது, புல்லட்டில் தோனி வலம் வந்த வீடியோக்கள் இன்னமும் சமூக வலைத்தளங்களில் சுற்றிக் கொண்டிருக்கின்றன.
சமீபத்தில் தோனியின் வீட்டில் நிறுத்தி வைக்கப்பட்டிருக்கும் கார், பைக் கலெக்ஷன் தொடர்பான வீடியோ வைரலானது. கிட்டத்தட்ட 50க்கும் அதிகமான பைக்குகள், 10க்கும் அதிகமான கார்களும் வரிசையாக நிறுத்தி வைக்கப்பட்டுள்ளன.
தோனியின் ரசிகர்களுக்கு, பைக்குகள் மீதான அவரது காதல் ஏற்கனவே தெரியும். அவர் கார்களின் மீதும் ஆர்வமாக உள்ளதை மெய்பிக்கும் வகையில் ராஞ்சியின் தெருக்களில் விண்டேஜ் ரோல்ஸ் ராய்ஸை காரை தோனி ஸ்டைலாக ஓட்டிச் செல்லும் வீடியோ தற்போது சமூக வலைத்தளங்களில் வைரலாகி வருகிறது.
ஆன்மா சாந்தியடைய எல்லாம் வல்ல இறைவனைப் பிரார்த்திக்கிறோம். அவரது குடும்பத்தினருக்கு எங்களது ஆழ்ந்த இரங்கலைத் தகவல் எக்ஸ்பிரஸ் குழு தெரிவித்துக் கொள்கிறது
10/06/2026
No Comments
மயிலு சப்பானி பரட்டை கூத்து குறுவம்மா இதுவெல்லாம் இயக்குனர் இமயம் பாரதிராஜா படைத்த
