மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் இன்று தமிழ்நாடு முழுவதும் நடைபெறவுள்ள 2000 மழைக்கால சிறப்பு மருத்துவ முகாம்கள் மற்றும் முதலமைச்சரின் விரிவான மருத்துவக்
காப்பீட்டுத் திட்ட சிறப்பு முகாமினைத் தொடங்கி வைக்கும் விதமாக, பெருநகர சென்னை மாநகராட்சிக்குட்பட்ட பகுதிகளில் நடைபெறவுள்ள 100 மழைக்கால சிறப்பு மருத்துவ முகாம் மற்றும் முதலமைச்சரின் விரிவான மருத்துவக் காப்பீட்டுத் திட்ட சிறப்பு முகாமினை இராயபுரம் மண்டலம், புதுமனைக் குப்பம், மாதா சர்ச் தெரு, புனித பீட்டர்ஸ் மேல்நிலைப்பள்ளியில் தொடங்கி வைத்து, பயனாளிகளுக்கு மருத்துவக் காப்பீட்டு அட்டைகளை வழங்கினார். இந்நிகழ்ச்சியில் இராயபுரம் சட்டமன்ற உறுப்பினர் ஐட்ரீம் ஆர்.மூர்த்தி, தமிழ்நாடு சுகாதார திட்ட இயக்குநர் ம.கோவிந்தராவ், துணை ஆணையாளர் (கல்வி) ஷரண்யா அறி, வடக்கு வட்டார துணை ஆணையாளர் கட்டா ரவி தேஜா, நிலைக்குழுத் தலைவர்கள் கோ.சாந்தகுமாரி(பொதுசுகாதாரம்), தா.இளைய அருணா (நகரமைப்பு), பொதுசுகாதாரம் மற்றும் நோய்த்தடுப்பு மருந்துத்துறை இயக்குநர் டி.செல்வவிநாயகம்,
மாமன்ற உறுப்பினர் ரா.சுரேஷ்குமார் மற்றும் அலுவலர்கள் கலந்து கொண்டனர்.