சென்னை:
கனமழை, பலத்த காற்று வீசியதால் சென்னை சைதாப்பேட்டையில் உள்ள ஒரு பெட்ரோல் பங்க் மேற்கூரை சரிந்து விழுந்து விபத்துள்ளானது. இதில் 6 பேர் படுகாயம் அடைந்தனர்.
சென்னையின் பல்வேறு பகுதிகளில் இன்று மாலை 7 மணி முதல் பலத்த காற்றுடன் கூடிய கனமழை பெய்து வருகிறது. சென்னை சைதாப்பேட்டை ஜோன்ஸ் ரோடு அருகே உள்ள பெட்ரோல் பங்கின் மேற்கூரை சரிந்து விழுந்து விபத்துக்குள்ளானது. இதன் இடிபாடுக்கும் கந்தசாமி, ராஜசேகர் என்கின்ற இரு ஊழியர்களும் 4 பொதுமக்களும் சிக்கி படுகாயம் அடைந்ததாக முதல் கட்ட தகவல் வெளியாகியுள்ளது. மேலும் இதில் பலர் சிக்கி இருக்கலாம் என்று அஞ்சப்படுகிறது. ஏராளமான வாகனங்கள் சேதமடைந்துள்ளதாகவும் கருதப்படுகிறது.
விரைந்து வந்த தீயணைப்பு வீரர்கள் இடிபாடுகளில் சிக்கிய 6 பேரை மீட்டு 108 ஆம்புலன்ஸ் மூலம் மருத்துவமனைக்கு அனுப்பி வைத்தனர்.