டெல்லி :-
ஜி20 உச்சி மாநாடு டெல்லியில் நாளை மற்றும் நாளைமறுதினம் நடைபெற உள்ளது. இதில் கலந்து கொள்ள பல்வேறு நாடுகளின் தலைவர்கள் இந்தியா வந்துள்ளனர். இதனால் தலைநகர் டெல்லி விழாக்கோலம் பூண்டுள்ளது. தலைவர்கள் தங்கும் ஓட்டல்கள், தெருக்கள், சாலைகள் எங்கும் வண்ண விளக்குகளால் மின்ணுகிறது. ஜி20 மாநாட்டில் தலைவர்கள் உரையாற்றுவார்கள். பிரதமர் மோடியும் உரையாற்றுவார். ஜி20 மாநாட்டிற்கிடையே இருநாடு தொடர்பான பேச்சுவார்த்தையிலும் பிரதமர் மோடி ஈடுபடுவார். அந்த வகையில் 18 நாட்டு தலைவர்களுடன் பிரதமர் மோடி, இருநாடு தொடர்பான பேச்சுவார்த்தை நடத்துவார் எனத் தெரிகிறது. இன்று அமெரிக்க அதிபர், வங்காளதேச பிரதமர், மொரீசியஸ் தலைவர் ஆகியோருடன் பேச்சுவார்த்தை நடத்த உள்ளார். நாளை இங்கிலாந்து, ஜப்பான், ஜெர்மனி, இத்தாலி தலைவர்களுடன் இருநாட்டு பேச்சுவார்த்தை நடத்த திட்டமிடப்பட்டுள்ளது. ஜி20 மாநாட்டில் உலகம் எதிர்கொள்ளும் பல்வேறு சவால்களை குறித்து விவாதிக்கப்பட உள்ளது.