2 நாள் பயணமாக முதலமைச்சர் மு.க.ஸ்டாலின் இன்று திருவாரூர் செல்கிறார்.
ஈரோடு கிழக்கு தொகுதிக்கு வருகிற 27ம் தேதி தேர்தல் நடைபெற உள்ளது. இந்த இடைத்தேர்தலில் போட்டியிடும் காங்கிரஸ் வேட்பாளர் ஈ.வி.கே.எஸ்.இளங்கோவனை ஆதரித்து , தி.மு.க. தலைவரும், தமிழ்நாடு முதலமைச்சருமான மு.க.ஸ்டாலின் வரும் 24-ம் தேதி பரப்புரை மேற்கொள்ள இருக்கிறார். அதற்கு முன்னதாக மு.க.ஸ்டாலின், 2 நாள் பயணமாக திருவாரூர் மாவட்டத்திற்கு இன்று செல்ல இருக்கிறார். திருவாரூர் மாவட்டம் மன்னார்குடியில் நாளை( பிப்.22) நடைபெறும் மாவட்ட ஊராட்சி தலைவர் தலையாமங்கலம் பாலு இல்ல திருமண விழாவில் கலந்துகொள்கிறார். இந்த திருமணத்தை தலைமை தாங்கி நடத்தி வைக்க இருக்கிறார் தமிழ்நாடு முதலமைச்சர் மு.க.ஸ்டாலின்.
