பெங்களூரு:
ஐசிசி ஒருநாள் கிரிக்கெட் உலகக் கோப்பை தொடரில் இன்று பிற்பகல் 2 மணிக்கு பெங்களூருவில் உள்ள சின்னசாமி கிரிக்கெட் மைதானத்தில் நடைபெறும் லீக் ஆட்டத்தில் ஆஸ்திரேலியா – பாகிஸ்தான் அணிகள் பலப்பரீட்சை நடத்துகின்றன.
5 முறை சாம்பியனான ஆஸ்திரேலியா அணியானது உலகக் கோப்பை தொடரை சிறந்த வகையில் தொடங்கவில்லை. இந்தியாவுக்கு எதிரான முதல் ஆட்டத்தில் 6 விக்கெட்கள் வித்தியாசத்திலும், தென் ஆப்பிரிக்காவுக்கு எதிரான ஆட்டத்தில் 134 ரன்கள் வித்தியாசத்திலும் தோல்வி அடைந்தது. அடுத்தடுத்து இரு தோல்விகளை சந்தித்த போதிலும் இலங்கை அணிக்கு எதிரான ஆட்டத்தில் 5 விக்கெட்கள் வித்தியாசத்தில் வெற்றி பெற்றது.
பாகிஸ்தான் அணி முதல் ஆட்டத்தில் 81 ரன்கள் வித்தியாசத்தில் நெதர்லாந்தையும், அடுத்த ஆட்டத்தில் 6 விக்கெட்கள் வித்தியாசத்தில் இலங்கையையும் வீழ்த்தியது. இந்தியாவுக்கு எதிரான ஆட்டத்தில் 191 ரன்களில் ஆட்டமிழந்து 7 விக்கெட்கள் வித்தியாசத்தில் தோல்வி அடைந்தது.
இந்தநிலையில் வெற்றியை மட்டுமே இலக்காக கொண்டு இரு அணிகளும் மோத உள்ளன. யார் வெற்றி பெறுவார் என்று பொருத்திருந்து பார்க்கலாம்.